Welcome to Urumpirai web site

செம்பாட்டு மண்ணும் மரவள்ளி கிழங்கும் மறந்து போகுமா......

வணக்கம்.

உரும்பிராய் இணைய தளம் உங்களை அன்புடன் வரவேற்கின்றது. ‘பெற்ற தாயும் பிறந்த பொன்னாடும் நற்றவ வானில் நனி சிறந்தனவே! என்பதற்கிணங்க ஒவ்வொருவருக்கும் தாம் பிறந்த வீடு, வாழ்ந்த ஊர், தாய் மண், அதிலே ஓடி விளையாடிய இடங்கள், இளவயது முதல் பழகிய நண்பர்கள், உயிரோடு கலந்த உறவுகள், கல்வியை ஊட்டிய பாடசாலைகள், வணங்கிய ஆலயங்கள், உண்டு களித்த உணவு வகைகள் எனப் பல நினைவுகளை மீட்டிப் பார்ப்பதற்கும், பல காலம் தொடர்பின்றி இருந்த உறவுகள், நண்பர்களைச் சந்திக்கவும், பல காலமாகப் பார்க்காது இருந்த இடங்களைப் பார்த்து மகிழ்வதற்கு் இந்த இணையதளம் வகை செய்கின்றது.

உரும்பிராய் வரலாறு

உரும்பிராய் என்ற பெயர் எப்படி வந்தது என்பதற்கு உரும்பிராய் மண்ணிலே பிறந்த அமரர் ஆசிரியமணி அ.பஞ்சாட்சரம் சிறந்ததொரு விளக்கம் கொடுத்துள்ளார். ஆசிரியமணி எதனையும் ஆராயாமல் எழுதமாட்டார். எண்பது வயதுவரை வாழ்ந்த அவருக்குத் தாம் பிறந்த உரும்பிராயைப் பற்றித் தெரிந்த அளவுக்கு வேறு எவருக்கும் தெரிந்திருக்க நியாயமுமில்லை.

ஆதி காலத்தில் மக்கள் கால்நடையாகவே பயணங்களை மேற்கொண்டனர். பின்னர் மிருகங்களை தமது பிரயாணங்களுக்காகப் பயன்படுத்தினர். இதனால் மக்கள் பிரயாணம் செய்யும் வழியெங்கும் அவர்களின் நலன்கருதி நிழல் மரங்களை நாட்டிவைத்தனர். பயணிகள் இளைப்பாறிச் செல்வதற்காக ஆங்காங்கே சுமைதாங்கிகளையும் அமைத்து வைத்தனர். நிழல்தரும் மரங்களில் ஒன்றான ‘ பிராய்' (பராய் என்றும் சொல்வதுண்டு) மரங்களை இப்பாதையோரங்களில் நாட்டிவைத்திருந்தார்கள். நன்றாகச் செழித்துப் படர்ந்து வளரக்கூடிய இப் பால் மரத்திற்கு ‘பெருஞ்சு10லி' என்றும் ஒரு பெயருண்டு.

பாதையோரத்தில் படர்ந்திருக்கும் மரங்களிற்கு இலக்கங்கள் இடும் வழக்கமும் அப்போது இருந்தது. எமது கிராமத்தில் இருந்த பராய் மரத்திற்கு யாழ்ப்பாணத்திலிருந்து 25 ஆவது மரமாக இருந்தபடியால் அந்த இலக்கம் கொடுக்கப்பட்டிருக்கலாம். அக்கலத்தில் எழுத்துக்களையே எண்களாகவும் பாவித்தார்கள். இதனை நாவலர் பெருமானின் நூல்களிலும் அவருக்குப் பின்வந்த நூல்களிலும் இன்றும் காணலாம். அந்த வழக்கப்படி 2 ,5 என்பதை உ, ரு என்றுதான் எழுதவேண்டும்.

இந்த உ ரு 10 பிராய் ஸ்ரீ உரும்பிராய் என்று காலப்போக்கில் உருவாகியிருக்கலாம் என்று குறிப்பிட்டுள்ளார். அப்போது அரசகரும மொழியாகவிருந்த ஆங்கிலத்தில் கூட ருசரஅpசையi என்றுதான் வழங்கப்பட்டிருக்கின்றதென்பதை கச்சேரி தபாற்கந்தோர் கிராமசேவையாளர் பிரிவு ஆகியவற்றில் காணலாம். பேச்சு வழக்கில் மட்டும் உரும்புராய் உறுப்பிராய் உடும்பிராய் என்று பேசுவார்கள். ‘ பிராய் ' என்று முடியும் பெயர்களைத் தாங்கிய கட்டைப்பிராய் மானம்பிராய் வேலம்பிராய் தம்பிராய் போன்ற சில ஊர்களின் பெயர்களும் அந்த அந்த ஊர்களில் வாழ்ந்த மக்களால் வேறு வேறு காரணங்களுக்காக மாற்றியமைக்கப்பட்டிருக்கலாம் என்றும் குறிப்பிட்டுள்ளார்.

நன்றி

Map
Lates Gallery